ஒருவன்
இயன்றதை கொடுக்கிறான்
ஒருவன்
கொடுத்தல் என்பது
நிகழத்தான் செய்கிறது
மனிதர்களாலும்
மனிதர்களை போன்றோராலும்
அடிபட்ட இடத்தில்
அலட்சியம் செய்தவன்
அன்பளிப்பு செய்கிறான்
ஆஸ்பத்திரிக்கு
தீராப்பசியில்
தின்றுகொண்டிருந்தவன்
அருகில் வந்த நாய்க்கும்
அமரவைத்து சோறு போட்டான்
கோயிலுக்கு ஒருவன்
கொடுத்தான்
குழந்தைகளுக்கு
ஒருவன் கொடுத்தான்
கறுப்புப் பணத்தில்
அள்ளிக்கொடுத்தவன்
உலகில் வெளித்தான்
கஷ்டப்பட்டு
கிள்ளிக் கொடுத்தவன்
உள்ளம் செழித்தான்
புண்ணியம் தேடி
ஒருவன் கொடுக்கையில்
புண்ணியவான்
ஒருவனும் கொடுப்பான்
கொடுத்தல் இங்கே
குன்றிவிடவில்லை
கர்ணணுக்கும்
கொடையுண்டு பாரினிலே!
கொடுத்தல் என்பதெல்லாம்
கொடையல்ல..
எதைக் கொடுத்தேன்
என்பதைவிட
எப்படிக் கொடுத்தேன்
என்பதே மேல்!
உழைப்பைச் சுரண்டியவனும்
கொடுத்ததால் வள்ளலானான்
பாருக்கே கொடுத்து
பாழாய்ப் போனார் ஏழை விவசாயி!
இலாபங்களை பொறுத்து
கொடுப்போரும் உண்டு
இலாபத்திற்காக
கொடுப்போரும் உண்டு!
பார்த்தவுடன் கொடுக்கும்
உண்மையும் உண்டு
கணக்குப் பார்த்து கொடுக்கும்
வியாபாரமுண்டு!
காருண்யம் என்ற பெயரில்
கறுப்புப் பணங்களும்
வெள்ளையடிக்கப்படுகிறது
பாவங்களும் விற்கப்படுகின்றன!
வாரிக் கொடுப்போரை
வள்ளல்களாக்கினோம்
மனதார கொடுத்தாரை
மறந்தே தொலைத்தோம்!
வெள்ளியை பார்க்கிறோம்
விளக்கில்தான் வாழ்கிறோம்
மனமுவந்து கொடுப்பவன்
விளக்காக வாழ்ந்திடுவான்!
துன்பமுணர்ந்து கொடு!
தன்மையறிந்து கொடு!
உள்ளம் மலர்ந்து கொடு!
பேதமின்றி கொடு!
பெருமையின்றி கொடு!
ஆனந்தப்பட கொடு!
அவசியமானதை கொடு!
உன்னால் முடிந்ததை கொடு!
உலகுக்கு அறிவிக்காமல் கொடு!
பின்
கொடுத்ததை மறந்துவிடு!!!!
கருத்துகள் இல்லை:
கருத்துரையிடுக